India chuan Glascow khawpuia an ram palaiin gurdwara a pan tur miin an lo dan chungchangah Foreign Office-ah complaint a thehlut.
High Commission of India chuan Vikram Doraiswami-a hi pathian biaknaah hian sakhaw thila inmil lohna leh inpalaina chungchang sawiho tura sawm a nih anga kal a nih thu a sawi.
A kalkawngah hian Zirtawpni khan mi tam vak lovin an lo dang a ni.
A hnuah Sikh thalai pawl pakhat chuan tun hma atang tawhin Indian thuneituten gurdwara an lo phalsak tawh lo sa niin an sawi.
Hetianga Indian palai dan hi tun hnaia Canada-a Sikh inlak hran tum pawla an hruaitu pakhat thahnaah India sorkar agent a inrawlh thei nia puhna a awm hnuah a ni.
India chuan Canadian Prime Minister Justin Trudeau-a’n June thlaa British Columbia-a Hardeep Singh Nijjar-a kah hlumnaah India a inrawlh nia a puhna hi nasa takin a pha thung.
Glasgow-a thil thleng hi Scotland-in High Commissioner to the UK Doraiswami nena tih tur hrang hrang an tuksak lai mek a ni.
Social media-a video darhah chuan Glascow-a Albert Drive-a gurdwara tuala a car a din chiahin mi pathumin an bawr nghal a ni.
Mi pakhatin a kawngkhar hawn luih a tum ngei nia a lan laiin ani chu car hnungah a la thu reng bawk.
Mi pakhat chuan, “I kal hi i tan a tha berin ka hria,” tia a sawi rik a lang bawk.
Palai hi a hnuah a inkhalh sawn zui ta bawk.
A hnua National Sikh Youth Federation chuan ‘Sikh pawh lian berin’ mi pathumte chuan ‘hun rei tawh tak atanga Indian thuneituten gurdwara an tlawh phalsak lohna an kalpui chu an lo kengkawh’ niin an sawi.