Cricket Association of Mizoram chuan Inrinni khan Aijal Club-ah Annual General Meeting 2023 an nei a. He hunah hian season thar lo awm tur atan ro an rel.
CAM hian an Honorary Secretary tanglai Mamon Majumdar chu India cricket thuneitu sang Board of Control for Cricket in India-ah Apex Council member atana thlan a nih avangin CAM-ah a post chelhlai a chhunzawm a rem tawh lova, hei vang hian Honorary Secretary thar thlan niin P. Lalremruata, Chaltlang chu thlan a ni.
CAM hian tun season a budget atan Rs. 23,90,83,500 an pawm a. Mizoram cricket than nan Grassroot cricket atan Samagra nen tangrualin Rs. 50,00,000 an dah.
Cricket hmunhma tha neihna turin Rs. 10,00,00,000 dah niin club tinte inrelbawlna tur dah hran a ni a. Academy a zirlai 25 nei chinte tan Rs. 4,00,000 theuh dah a ni bawk.