Aizawl: India ram chhung hmun hrang hranga hman rualin nimin khan BJP Mizoram pawhin Swatchh Bharat Campaign ‘Swachhata Hi Seva’ leh Vocal for Local Campaign programme hun an hmang.
BJP State Office-a hun hmanah Seva Pakhwada Programme incharge Dr BD Chakma, MLA thu sawiin, mi dang tana luan chhuahna leh faina beihpui thlak kawngah Prime Minister Narendra Modi kaihhruai sorkar hnuaiah India ramin nasa takin hma a sawn tih a sawi a. Mizoram BJP pawhin he ni denchhenin an party pisa-ah thisen pek runpui te, free medical camp te buatsaihin faina beihpui thlak kawngah pawh nasa takin hma an lak thin thu a sawi.
Tuichawng bialtu MLA Dr BD Chakma chuan MLA General election 2023 lo awm turah hian Mizoramah sorkar tha leh thianghlim a awm theih nan Mizoramin BJP sorkar a neih ngei a mamawh tih a sawi a. “Mizoramah kawng hrang hranga faina kan neihna hun a thleng ang a, chutih hunah chuan Mizoramah hmasawnna mipui beisei chu kan hmu tawh dawn a ni,” a ti.
BJP Mizoram hian an pisa-a Vocal For Local hun hmang bawkin, he hunah hian Mizo hnam thuam chawisanna atana Zo thuama inbelin hun an hmang bawk.