PMAAGY Scheme atanga sak Govt. Middle School, Ngentiang building thar chu nimin khan bialtu MLA, Minister ni bawk Er. Lalrinawma’n a hawng.
Lalrinawma chuan hringnun bulthut chu zirna a nih angin zirna in thar tha tak khawtlang hruaitute leh mipuite inpekna zarah an nei thei ta chu a lawmpui thu a sawi a. A enkawl zui zelnaah pawh thawhhona tha tak nen mipui ten mawhphurna sang tak an neih thu a sawi.
Mahni kawtkaia zir- na in te chu ngaihven zui zela, hmabak hlenna kawnga zirtirtute leh zirlaite pawh a theih chinah inpuitawn zel turin a sawm a. A bial chhung enkawlnaah ei- zawnna, zirna leh hrisel na chu a ngaihpawimawh zual a nih reng thu sawiin, mahni khaw chhung hmasawnna hnathawh leh sorkar hmalakna te thlawp zel turin a sawm.
Govt. Middle Sch- ool building thar PMA- AGY Scheme atanga sak chu Village Council hruaitute enkawlna hn- uaiah Rs. nuai 20.23 senga sak niin, Lalremmawia, Headmaster i/c chuan building thar tha tak an nei chu lawmawm a tih thu a sawi a. Lalrinenga, Headma- ster pension-in kalkha- wmte lawmna leh scho- ol din chhoh dan sawi- in, district huap inelna- ah pawh lawmman an lak thin chu mipuite nen an thawhhona rah a nih thu a sawi a. Hun kal zel turah pawh lawmman dawng thei tur khawpa school enkawl turin duhsakna a hlan bawk.