Indo-China ramria Eastern Sector kalpawhna tha zawk tura tih, Arunachal Pradesh-a Sela Pass chu zawh fel tep a ni tawh.
Border Roads Organization (BRO) chuan hna thawh tur zinga 90% zawh tawh a ni tih an sawi.
BRO thuneitute chuan Arunachal Pradesh-a lei verh hna hi hi a thawh hnuhnung ber kalpui mek a ni a. 90% thuak Sela Tunnel siam hna zawh tawh a ni a, kuminah hian zawh hman beisei a ni,” tiin an sawi.
“Tunnel hi peih a nih hunah chuan a fur thalin Arunachal Pradesh-a Tawang leh khualzin, an district tlawhtuten an zawh thei tawh ang a, sipaite tan pawh chet vel a tiawlsam em em tawh dawn a ni,” an ti.
Sela Tunnel hi zawh theiha peih a nih hunah chuan feet 13,000 chuanga sanga a ruala lirthei pahnihin a zawh theih leiverh sei ber a ni dawn a ni.
A siam meka hna thawktu pakhat, Padip Kachari chuan, “Thawh ngai 90% dawn chu zawh tawh a ni a, Sela Tunnel project-ah leiverh pahnih thawh mek a ni,” a ti.
Sela Tunnel project hi leiverh pahnih – metre 980-a thui Tunnel leh metre 1,555-a thui Tunnel 2 aawm a ni.
Sela Tunnel hi Sela Pass aia tuipui zawl atanga metre 400-a hniama awm a ni a, zawh fel a nih hunah chuan thlasikah pawh zawh theih a ni dawn a, vantlang tan bakah khualzinte tan pawh a tangkai dawn a ni.
A lungphum hi Prime Minister Narendra Modi-a’n February 9, 2019 khan phumin April 1, 2019 atanga hna tan a ni.