Champhaia zirlaite leh thalaite hmalam hun kawhhmuhna leh hna hrang hrang chungchang inzirtirna hunpui – ‘Champhai Rahbi – Career Expo & Job Fair’ Govt. Champhai College Multipurpose Hall-a neih chu nimin khan Champhai South bialtu MLA, Minister of State ni bawk TJ Lalnuntluanga’n a tlawh.
TJ Lalnuntluanga chuan ‘Champhai Rahbi – Career Expo & Job Fair’ chu Champhai thalaite rahbi thar thlentu leh eizawnna hrang hrang bultan tura an inpuah- chahna kal mekah kawng kawhhmuhtu leh an rilru tizautu a nih ngei a beisei thu a sawi a. Zirna leh eizawnna kawng hrang hrangah Champhai district tan rualawhna tur a tam thin thu sawiin, hemi kawnga Champhai district thalaite mamawh phuhruk a nih theihna tur Planning department leh department dangte hnena an thlen thu sawiin, Planning department, LESDE leh MYC ten tha taka chhangleta program liantham leh tangkai tak an tipuitling ta chu lawmawm a tih thu a sawi.
“Career Guidance kalpui danah lehkha- thiam te leh sorkar hna zawm tum te kaihhruai lamah kan kal uar viau thin a, hei hi a that tho laiin, sorkar hna leh hna sang te a tlem zia leh kan indaihlo zia kan hre tlang vek a. Chuvangin a nawlpui ban phak eizawnna kawng kan inkawhhmuh chhoh tel hi a tul a ni” TJ Lalnuntluanga chuan a ti a. Career Expo & Job Fair-a stall te chu huamzau taka duan a nih thu a sawi.
Thalai tam tak chu an hmalam hun atana an eizawnna tur an lo ngaihtuah thin loh ava- ngin beidawnna khurah an lut fo thin tih sawiin, pawi a tih thu TJ Lalnuntluanga chuan a sa- wi a. Thalaite chu ma- hni eizawnna theuh chu an chanvo leh an mawphurhna a ni tih hre chianga, tun atanga tum mumal neia, chhung- kua, khawtlang leh ram tana chhawr tlak nih tum turin a chah.
Eizawnna dap kaw- ngah harsatna, hrehaw- mna leh beidawnna te pawh an la hmachhawn fo dawn ti hriain, an rilru tikhauh tlata, hua- isen taka hma la chho turin a chah a. Career Expo & Job Fair-a stall hrang hrang te uluk ta- ka fang chhuaka, stall nghaktute pawh chik taka an hriat duh te za- wt turin TJ Lalnuntluanga chuan thalaite chu a chah bawk.
Nimin vek khan TJ Lalnuntluanga chuan Zokhawthar Middle School-in sorkar school atana hlankai (provincialised) an nih an lawmna pawh a hmanpui a. Champhai district-a school ruhrelte tihmasawn tura hmalak a nih thu leh inspection te pawh neih a nih tawh sawiin, Zokhawthar Middle School building sak thatna tur pawh tender tawh a nih thu leh school sak hna tan thuai a nih tur thu a sawi.
Melbuk leh Zokha- wthar inkar kawng siam thatna tur SASCI sum Rs. nuai 1350 ruahman tawh a nih thu a sawi bawk.