Borussia Dortmund in second half-ah minute nga chhungin goal hnih an khung a, si phur tam zawk nihlai nei mahsela Union Berlin 4-2 a hnehin Bundesliga-ah pahnihnaah an inhlangkai.
Dortmund hi tun season-ah league a la tlawm lo an ni a, match sarih atangin point 17 an hmu tawh a, point khatin hmahruaitu VfB Stuttgart an pha lo mek.
An hnuaiah anni ang bawka la tlawm lo Bayer Leverkusen an awm a, anni hian point 16 hmu in Pathianni zanah Cologne an hneh chuan hmahruaitu thar an ni ang.
Westfalenstadion-ah Dortmund in Niclas Füllkrug hmangin minute 7-naah goal an khung a. Mahse hei hi Robin Gosens leh Leonardo Bonucci penalty hmangin Union in an sut.
Second half-ah minute 49-na leh 54-naah Dortmund in Nico Schlotterbeck leh Julian Brandt hmangin goal an khung a, Julian Ryerson chuan a team hlui lakah an goal li na a khung leh a ni.
Inkhel dangah Stuttgart tan striker Serhou Guirassy chuan record thar ni turin hattrick a siam a, 3-1 in VfL Wolfsburg lakah a team a chakpui.
Guirassy hi Bundesliga season a match hmasa pasarih atanga goal 13 khung thei hmasa ber a ni a. Tun season-ah league hattrick vawi hnih a siamna a ni.