- Ruata
Royal Enfield chuan India ramin a nghahhlelh Himalayan thar tur, Himalayan 452 chu official image an phochhuak a, thlalak chauh a la ni na a, thla tharah hi chuan an tihchhuah theih beisei a ni.
Royal Enfield Himalayan hi India rama adventure bike pung chho zelah mite duh ber pawl leh tualchhuakah chuan a lian ber pawl a ni a. Kawng chhengchhia leh hla tak taka zinpuina tura duan niin he bike hian theihna hrang hrang tha tak tak, adventure biking lama tuite mamawhna phuhru tur a ngah em em a. Tuna a thar turah pawh hian tam lehzual kan hmuh beisei a ni a, nghakhlel tu pawh an tam tawh viau a ni.
He bike thar hi market lamah thla thar, November Ni 1-ah hian kan hmuh tawh beisei a ni a. Tuna a thlalak an phochhuah hi rawng var, pristine white color scheme a ni. Royal Enfield Himalayan 452 thar hi 451.65cc liquid-cooled engine hmang a ni dawn a, 4-valve head leh DOHC configuration te a nei a. Official power leh torque zat chu tarchhuah a la ni lo a, hetihlai hian industry speculation atanga a lan danin 39.57bhp power chu 8,000rpm-ah a pechhuak thei a. Torque pawh hi 40-45Nm bawr vel a nih beisei a ni a. Hei mai bakah hian 6-speed gearbox nei tawh tura beisei a ni.
He off-road cruiser bike thar tur hian LED headlight a human dawn bakah a fender, fuel tank leh windscreen te a thar a rawn nei dawn a. Split seat a neih dawn bakah a tail lam hi a hma aiin a te hret dawn a ni. Wire-spoked wheel a la neih tho hmel a. A hmalamah 21-inch wheel leh a hnunglamah 17-inch wheel a neih hmel a. Himalayan branding chu fuel tank-ah langsar taka chuan tir a ni a, hei bakah hian front mudguard, side panel, leh rear fender-ah te a awm dawn bawk a ni.
A len zawng lamah chuan a dung 2,245mm, a vang 852mm leh a san lam 1,316mm a ni a. A hma aiin a wheelbase seiin 1,510mm a ni a. A rih zawng Gross Vehicle Weight (GVW) hi kg 394 a ni.
Royal Enfield Himalayan 452 hian a hnung leh hmaah disc brake hmangin hei hian dual-channel ABS (anti-lock braking system) a keng tel dawn a. Himalayan tharah hian USD front fork kan hmu tawh ang a, monoshock rear suspension a nei bawk ang a, hei mai bakah hian ride-by-wire technology, digital instrument cluster with smartphone connectivity tihte kan hmu dawn bawk a ni.