AZL: Darlawn Town Hall Chhim vengah nimin khan Mizoram Govt. Adhoc Aided Higher Secondary School Lecturers’ Association (MIGAAHSSLA) buatsaihin Higher Secondary School Provincialised lawmna neih a ni a. School Education Department Director Lalsangliana, MCS-in khuallian niin a hmanpui.
Provincialised lawmnaah hian an member thi tate sunna hun an hmang a, HSS principal-te provincialised avanga an dinhmun kiantute chawimawina hun an hmang bawk.
Tun hnaia Mizoram sorkarin Adhoc Aided Higher Secondary School 12 provincialised dinhmuna a hlan kaite hi – Public HSS Ramhlun Venglai, Durtlang, Darlawn, Zohmun, Ngopa, Cherhlun, Thingsai, Khawzawl, Biate, Kawnpui, N.Vanlaiphai leh Thenzawl HSS te an ni a, heng school-ah te hian lecturer 170 an awm a ni.