Karleh a Ultimate Fighting Championship in Abu Dhabi a inelna a buatsaih tur UFC 294 chu ni hnih chhunga a vawi hnih nan langsar taka thlak danglam leh a ngai a, co-main event a inlan tur Paulo Costa chu a inlan theih dawn loh avangin UFC welterweight champion hlui Kamaru Usman chuan a thlak ang.
Inrinni zana neih turah hian Costa hi Khamzat Chimaev nen middleweight bout a intum tur an ni a. Brazilian fighter hian kar thum kalta khan a kiu ah hliam a neih avangin zai a nih thu tunkarah a sawi tawh. Doctor-ten a hliam hi an ennawn leh hnuah UFC 294 a inlan tur hian a dam tha tawk lo niin an ngai.
20-3 record nei Usman hi March thla a UFC 286-ah champion lai Leon Edwards laka a tlawm nawn leh hnuah a la inlan leh lova. A zawna vawi 15 chak lai a nih chu Edwards hian nikum August khan titawpin a champion title a chhuhsak a ni.
12-0 record nei Chimaev hi UFC-ah vawi ruk inlan tawhin a la chak vek a, a khingpuite a tawp thlenpui lovin tum nga a hneh bawk.
Kum 29 mi hi UFC a fighter invawrh lar chak tak a ni a, middleweight leh welterweight ah champion la ni thei turin mi tam takin an ngai.
UFC 294 main event-ah hian lightweight champion Islam Makhachev leh featherweight champion Alexander Volkanovski te an intum ang.