AZL: ‘Beiseina Eng: Sorkar tha leh mipui chakna’ tih lehkhabu, Dr Lalmalsawma Nghaka ziak chu nimin khan HYVE Hall-ah Dr Tawnenga, Principal, Mizo Christian College-in a tlangzarh.
He lehkhabu, phek 78-ah hian ram hmasawn tawhte lo dinchhuahna chungchangte tar lan a ni.
Tlangzarh inkhawmah a ziaktu, Dr Lalmalsawma Nghaka chuan thalaiten hnathawh nasat a tul thu sawiin, “Korea-ho fashion kan la a. Hnathawh lamah pawh Korean-ho anga kan thawh tam a ngai,” a ti.
Lehkhabu tlangzarhtu, Dr Tawnenga pawhin Mizorama thingtlang kawng chhiatzia a sawi a. “Mizoram hruaitute hian kawng chhia hi a taka hrut vea officer liante pawhin thingtlang harsatna tak tak hrethiam turin thla hnih khat harsatna karah khawsa ve se a tha khawp ang,” a ti bawk.