Jammu & Kashmir-a nimina hmun hniha venhim hna thawktuten beihpui an thlaknaah firfiak pawla mi 5 an kap hlum a. Firfiak 2 hi J&K hmar lama Baramulla khuaa firfiakten national higway-a security check post an beihnaa sipaiten an kah letnaa thah an ni.
Police-ten check post-ah hian SUV an tiding a, a chuangte chu an lehkha pawimawh ensak an tum a, hetih lai hian a chuangte hian an silai phawrhin an kap ta mai a. Police hian an kap let nghal a, pakhat kap hlum nghalin pakhat a chhuak hman a. “Pakhat zawk pawh hi umzuinaah thah a ni leh ta tho a ni,” tiin Baramulla-a senior superintendent of police Imtiaz Hussain chuan a sawi.
Hussain chuan heng firfiakte kut atang hian AK assault rifle leh Chinese pistol 2 an hmuh thu a sawi a, “Anmahni hi tute nge an nih erawh kan la hre thei lo,’’ a ti.
A hmunah hian officer-te an thleng nghal a, rei vak lo kawng pawh hi khar a ni a, an chuanna lirthei khalhtu pawh hi man a ni.