Saudi Pro League team Al Ettifaq chuan Jesse Lingard an lakluh theih nan an squad a foreign player thenkhat chu chhuahtir lam an ngaihtuah.
Lingard hian Al Ettifaq-ah hian training a nei mek a, contract erawh a ziak rih lo.
Manager Steven Gerrard chuan a squad a khel turin a duh a, hei vang hian lakluh theih dan an dap.
Saudi league danah hian matchday squad-ah foreign player pariat chiah tel phal a ni a, tunah an squad-ah 10 an awm mek avangin pakhat tal chhuahtir an tum.
Hmun thenkhatah chuan Sweden international Robin Quaison leh Brazilian winger Vitinho te chu chhuak tura sawi an ni.
Gerrard-a pawlte hian July thla a team a enkawl hnuah Jordan Henderson, Georginio Wijnaldum leh Demarai Gray te an lalut tawh.
Lingard hian tun thla tir khan friendly match-ah Al Ettifaq tan hian inkhelin goal a lo khung tawh.