Mizoram football team in 77th National Football Championship for Santosh Trophy 2023-24 ah a vawi hnihna atan hnehna an chang a. Lalkhawpuimawia goal khung hmang bawkin 1-0 in Sikkim an hneh.
Ningani zinga inkhelah hian Mizoram in final round lut turin point hloh an neih a thiang tawh lo. Sikkim hi tla chiang tawh an ni a, hneh ngei an ngai.
Tlarhmaah striker che tha Mapuia leh Lallawmkima ten bul an tan a. Vanlalthanga leh Lallawmsanga ten an thlawp.
Mizoram inkhel a tha zawk a, player nei tha zawk an ni. Ball thunun a inpe kual tha zawk an ni a, goal hlauhawm pawh an siam thin. Mahse match hmasa ang thovin an khung thei thin lo.
Match hnih atanga goal nga khung tawh Mapuia bawk minute 83-naah a inlar a. Mizoram chakpuitu niin goal a khung.
Inkhelhna mual hi natural grass nimahsela ‘quality’ tha a ni lova, hei hian Mizoram in ‘free flowing football’ an khel tur a nghawng.
Mizoram hian Pathianni tlai dar 3:30 hian Uttarakhand an hmachhawn leh dawn a. Team tha zinga tel an ni a, final round lut tura an elpui ber an ni ang.