Mizorama MLA inthlan lo awm tur atana inpuahchahnate thli- rhovin nimin khan Chief Electoral Officer Mizoram Madhup Vyas hovin a kaihhnawih mipawimawhte an thukhawm.
CEO Madhup Vyas chuan election langtlang, felfai leh hlawhtling taka buatsaih a nih theih nan thawhhona tha tak chha- wmnun zel a tul thu leh hmalaknate inhriatpawh tawn zel a tul thu a sawi a. Election chu thil dang za- wng aia ngaihpawimawh hmasak tur a nih thu leh inpuahchahna tithuanawp thei thil te awm lo tura tanlak tlan a tul thu a sawi.
He thutkhawmah hian MLA inthlan lo awm tur atana sorkar department hrang hrangte inbuatsaihna leh hmalakna hrang hrangte thlirho niin, hma- bak la awm te hun bituk chhung ngeia zawh hman a nih theihna tura tanlak ni se, an ti a. Mizorama MLA bial 40 ah Polling Station 1276 a awm thu report niin, hmanraw mamawh leh awm ngei ngei tura tih Assured Minimum Facilities (AMF); electricity, inthiarna, tui in tur, wheelchair lawn theihna (ramp) leh furniture chh- awpchhuah kawnga hma- laknate thirlho a ni.
October ni 17, 2023 thleng khan hengte hi Ma- mit, Aizawl, Saitual, Kha- wzawl, Kolasib, Champhai leh Hnahthial District-ahte ruahman fel tawh a nih thu tarlan a ni a; District danga hmalak ngai la awmte pawh chak zawka bawhzui ni se an ti bawk.
Polling official leh Ce- ntral Armed Police Forces personnel-te veivah na tura inkalpawhna siam that ng- ai te, emergency air ambulance ruahman dan tur te, sum dinhmun tlangpui leh dan leh thupek kenk- awh chungchang te, Vohbik (PwD) te tana benchmark disability certificate pek chhuah leh CAPF tana ruahmanna siamte an thlirho bawk a ni.
PwD voter 3,300 awm zingah benchmark disability certificate pek chhuah 691 an awm thu leh CAPF Company 20 ten Mizoram an rawn thlen tawh thu report a ni a. Ruihhlo leh a kaihhnawih man chungchanga hmalak dan te pawh an thlirho bawk.