Bollywood-a misual lema chang thin leh hriatlar Dalip Tahil chu 2018 kum daih tawha hit-and-run cae-ah thla hnih tang tura hrem a ni.
Film lar- Baazigar, Qayamat Se Qaymat Tak te bakah film tam taka inlan tawh hi rui chunga lirthei khalh a, hmeichhe pakhat hliam a thlenna thubuaiah hun rei tak chai a nih hnu-ah Dalip Tahil hi thil thlen lai hian zu rim a nam ngei, tih finfiah chian a nih bakah zu a in leh in loh test tura tih a nih hnu-ah a thisen endik a hnial tlat thu thlengin Court-ah sawichhuah niin, court hian heng te hi thutlingah a pawm.
Kum 2018 khan Tahil-a car leh autorickshaw an insu a, passenger pahnihin hliam an tuar. Lirthei insut hnu lawk hian Tahil hi a lirthei nen tlanchhiat tumin an inher nghal a, mahse Ganes Visarjan buaipui lai a nih vanga traffic jam nasa tak vangin a putchhuak thei ta lo a ni.