German champion Bayern Munich in minute nga chhungin goal hnih an khung a. Second half-ah khung belh bawkin harsatna lian tawk lem lovin Mainz 3-1 in an hneh.
Mewa Arena a Inrinni zana inkhelah hian Bayern in Kingsley Coman leh Harry Kane te hmangin first half-ah goal an khung a. Anthony Caci chuan halftime dawnah Mainz goal khat khungin second half-ah Leon Goretzka chuan Bayern goal thumna a khung.
Bayern hi a zawna vawi thum an tlawm hnuah hnehna chang lehin league-ah pathumnaah an inhlangkai.
Inkhel dangah league hmahruaitu Bayer Leverkusen in VfL Wolfsburg chu 2-1 in an hneh a. Point thum hmu in league hmahruaitu an la ni chhunzawm.
Bayer tan hian Volkswagen Arena-ah Jeremie Frimpong chuan first half-ah goal a khung a. Hei hi Maxence Lacroix chuan halftime dawnah sut mahse second half-ah Alejandro Grimaldo chuan an chakna goal a khung.
Top scorer ni mek Serhou Guirassy chuan Bundesliga match hmasa pariat atanga goal 14 khung tling hmasa ber niin record thar a siam a. VfB Stuttgart tan goal khungin 3-1 in FC Union Berlin lakah hnehna an chang ve bawk.