Mizoram in 77th National Football Championship for Santosh Trophy a final round lut turin hnehna pawimawh an chang a. Anni ang thova Group E atanga beiseina nei Uttarakhand chu 1-0 in an hneh.
Pathianni chawhnu dar 3:30 ah inkhel pawimawh khelh a ni a. Team pahnihte tan final round luh nan chak ngei a ngai ve ve.
Mizoram in goal ruk khung tawh Lalkhawpuimawia thlawp turin Lawmsanga leh VL Thanga dahin midfield atang MS-a nawr hma a ni bawk.
Team pahnih an inkhel tawk a, khelmualin a zir loh avangin ‘ground ball’ tha khelh har mahse Mizoram in chance tha an insiam zawk thin.
Huntha an hloh nual hnuah minute 68-naah Laltlanzova’n Mizoram chakna goal a khung.
Mizoram hian naktuk chhun dar 11-ah Pondicherry an hmachhawn leh ang.