Assam-a Sivasagar district, Demow-ah Pathianni zan khan bomb a puak a, Hindi tawng hmang mi pahnih an thi a, he thil titu hi United Liberation Front of Assam (Independent) (ULFA-I) an nih ngei police-ten an ring.
Additional Superintendent of Police, Sivasagar, Bolin Deori chuan he thil puak hi tlai dar 5:00 vel niin dawr awmna hmun a ni a. A bul dawr nghaktu leh a dawrtu an hliam a, a hnuah an thi zui niin a sawi.
Special DGP (Special Branch) of Assam Police, Pallab Bhattacharyya, chuan ULFA(I) an ringhlel tih sawiin nikum pawh khan Agarwala hnen atang hian pawisa an phut a, bomb hmangin an lo bei tawh tih a sawi a. Tuna puak nen hian a inang hle niin a sawi.
Tun thla tur khan Bengali tawng hmang lo neitu mi panga thah an lo ni tawh a, hei pawh hi police-te chuan ULFA(I) tih a nih tho an ring a, anmahni erawh chuan an pha.