Aizawl : Election Co- mmission of India-in India khua leh tui dik tak ten vote an thlak vek theihna tura programme a duan Systematic Voters’ Education & Electoral Participation (SVEEP) kaltlanga hmalaknaah nimin khan Govt. Mamit Higher Secondary School-ah hun hman a ni a. Nodal Officer/DIPRO Dr. Saithan- tluangi Zote-in resource person niin zirtirna a pe.
Dr. Saithantluangi Zote chuan thalai vote nei thar te zingah vote thlak pawimawhna inzirtirna chu thil pawimawh leh inzirtir ngai tak a nih thu a sawi a. “Vote thlak chu kan tihmakmawh, kan mawhphurhna, khua leh tui kan nihna anga danin min phut tlat a ni” a ti.
Vote nei zawng zawng te chu kumin MLA inthlannah ngaihtuahna fim tak hmanga vote thlak vek turin a sawm a. A kaihruainain Quiz neih nghal niin, Election leh a kaihnawih chungchang zawh- na chhang dik te hnenah lawmman pek an ni.