Aizawl : Kolasib district Magistrate-in Kolasib district chhungah dan lova Kuhva rah lakluh a khap a. He khapna thupek hi nimin khan Kolasib district Magistrate John LT Sanga chuan a tichhuak a, thupek hian tihchhuah a nih atanga ni 60 chhung a huam tur thu thupekah chuan tarlan a ni.
Thupeka tarlan a nih danin Kolasib district chhungah dan phal lohva ram pawn aṭanga Kuhva lakluh a awm ṭhin tih hriat a nih avanga Ministry of Home Affairs leh Home Department, Mizoramin dan lova Kuhva rah lakluh khap a ṭul thu a tarlan tawh bawhzuia tihchhuah a nih thu tarlan a ni. “Kolasib district huam chhung khawi hmunahmah dan ang ni lovin Kuhva rah tumahin an phur lut tur a ni lova, a paltlang nan an hmang tur a ni hek lo” tia tarlan a ni.