Mission venga Aizawl South II Block Campaign Office hawnna inkhawm hmanpuitu, MPCC Treasurer Dr Lalmalsawma Nghaka chuan thlan tlin a nih chuan MLA fund hman danah mipui leh Pathian mittlung ngeia thawh a tum thu a sawi.
Aizawl South II Congress candidate chuan thlemna chi tin karah rinawm taka Mizoramah sorkar tha a pian theih nana huaisen taka an party miten hma an lak zel avangin lawm thu a sawi a. Kumin MLA inthlanpuiah Pathian khawngaihna azarah hlawhtlinna a chang hlauh a nih chuan MLA fund hman danahte mipui leh Pathian mittlung ngeia thawh a tum thu sawiin, chutianga a thawh a nih theih nana hma lakpui turin mipui a sawm.
Dr Lalmalsawma Nghaka chuan MLA fund chu infrastructure development piah lamah bial chhunga mi harsa zawkte dawmkan nan te leh eizawnna atan tangkai tur thiamna lamah inzirtirna pek uar tur a nih thu a sawi bawk.