Manager Unai Emery hnuaiah Aston Villa an che tha chhunzawm a, Premier League-ah a sang palite hnaih leh zual turin West Ham United 4-1 in an hneh.
Spanish coach hian Villa Park a hna a thawh kum khatna tunkar hian a hmang dawn chiah a. Pathianni zana an mual a inkhelah hian first half-ah football hmuhnawm leh hlauhawm an khel.
Brazilian midfielder Douglas Luiz chuan minute 30-naah an goal hmahruai a khung a, second half tan tir lamah penalty atangin an goal hnihna a khung lehnghal.
West Ham tan Jarrod Bowen chuan goal khat khung mahse England striker Ollie Watkins in Villa tan tun season a a goal riatna a khung a. Substitute Leon Bailey chuan an goal khung bawkin Villa hi mahni muala league inkhelah a zawnin match 11 an chak tawh.
Aston Villa boss Unai Emery chuan, “Kan home a football hmuhnawm khelh hi ka ngai pawimawh a, kan fans te nena kan hlim tlan theihna a ni.” tiin an chak hnuah a sawi.