Aizawl : Mizorama MLA inthlan lo awm tur chungchangah nimin khan Aizawl district election officer, Aizawl Bawrhsap Nazuk Kumar-i’n Mizor- am Upa Pawl (MUP) hruaitute a kawm a. Kum upa a tam thei ang berin vote an thlak theihna tura tanho a pawimawh thu a hrilh.
DEO chuan Election commission of India (E- CI)-in kum 60 chunglamin kim taka vote an thlak a ngaihpawimawh thu a sawi a. Kum upa te chu ram political history thui tak hria leh tawnhriat nei tam an nih avangin vote hlutna pawh hre chiangtu an nih thu sawiin, MUP hruaitute chu an member a tam thei ang berin vote an thlak ngei theihna tura hmalakpuiah a sawm a ni.
Hemi kawngah hian ECI ruahmanna siam angin kawng hrang hranga hmalak a nih thu pawh DEO chuan a sawi a. A vawikhatna atan kum 80 chunglam, vote thlak tura in atanga chet chhuah harsat tawh te pawh in ah pana vote thlak tir an nih thu a sawi.
DEO chuan home voting dil, electoral roll-ah an details an update loh ava- nga hnawl ngai thenkhat an awm thu sawiin, nakin zel atan roll update theih hun hawn a niha bawhzui zel pawimawh a tih thu a sawi a. Taksa lama hars- atna nei, home voting dil lo emaw, ti theilo an awm chuan an BLO te nen inbepawpa, a tul anga remchanna siamsak tura elec- tion office chu a inpeih reng thu a sawi bawk.
DEO leh MUP hruaitute inkawm hi SVEEP (Systematic Voters Education and Electoral Participation) hmalakna pak- hat a nih thu sorkar thuchhuah chuan a tarlang a ni.