Aizawl: Mizoram SSA Teachers Association (MSSTA) hruaitute chuan nimin khan Chief Minister Zoramthanga chu a pisa-ah kawmin an pawl mamawh hrang hrang an thlen.
MSSTA hruaitute chuan an chanvo danin a remtihsakte chan ngei tumin, Gauhati High Court, Aizawl Bench-ah sorkar khinna an lo theh luh tawh thute, court thuchhuak hian post creation/regular vacant post/regularitions scheme siamsak tura sorkar a hriattir tawh thute an sawi. RTE Act-in chanvo a pekte leh NHM leh CSS hnuaia thawktu hrang hrangte nen an kalphung a inperhsan thute chief minister hnenah an thlen a ni.
He court case chungchanga file kal mek chu sorkarin judgement order hi appeal turin thutlukna siam mah se, chief minister hmalakna avanga khinlet lo tura October 3, 2023-a verbal instruction an dawn thu leh, hemi avanga an lawm thu CM hnenah hian an thlen bawk.
Chief minister chuan an thu thlente a hriatthiampui thu lo leh tun dinhmunah hmalak mai theih anih loh thu sawiin, “Sorkar tharah Cabinet meeting thutlukna lo siam tawh anga a chak thei ang bera hmalak a ni ang,” a ti.