Aizawl: Excise & Narcotics Department chuan ruihhlo an man, court-a dan anga tihfel tawh Rs vaibelchhe 12 chuang man hu chu nimin khan an hal ral.
Ruihhlo halralna hun hi Bethani Multipurpose Farm, Phunchawng-ah neih a ni a, Excise Commissioner Ngurchungnunga Sailo chuan ruihhlo te hi a hal ral a ni.
Ruihhlo an hal ral hi heroin kg 41.188, Rs 12,35,64,000 man hu, Ganja kg 56.798, Rs 2,27,192 man hu, Methamphetamine kg 4.358, Rs 59,42,728.43 man hu te, Alprazolam gram 533.540, Rs 48,503.63 man hu te, Rs 48,503.63 man hu Tramadol leh ruihhlo dangte a ni a, ruihhlo an hal ral zawng zawng hi Rs 12,98,32,452.63 man hu a ni.
Ruihhlo hal ralna puala inkhawm tawi neih hi Excise Joint Commissioner Z. Lalhmangaiha’n a kaihruai a, Dy. Commissioner Peter Zohmingthanga’n report a pe a ni.