Bayer Leverkusen in Bundesliga a hma hruai lehnghal turin hnehna an chang a. SC Freiburg lakah 2-1 in an chak.
Pathianni zanah BayArena-ah Xabi Alonso pawlte hian an mikhualte lakah hian Florian Wirtz leh Jonas Hofmann te hmangin goal an khung a. League-ah tlawm la nei lovin match 9 an khelh atangin vawi riat an chakna a ni.
Alonso hi kum 1979 a Bundesliga a an kaisan hnua Leverkusen manager zinga inelna hrang hranga a zawna vawi riat chakpui thei hmasa ber a ni.
Inkhel dangah Deutsche Bank Park-ah Eintracht Frankfurt in Borussia Dortmund an mikhual a.Omar Marmoush goal hnih khung leh second half a Farès Chaibi goal khung te vangin tum hnih hma hruai mahse Marcel Sabitzer, Youssoufa Moukoko leh Julian Brandt ten goal khungin 3-3 in an inhnehtawk.