Spain a chak mamawh tak Villarreal in hnehna an chang a, point thum pawimawh hmu turin 3-2 in Granada an hneh.
Nuevo Estadio de Los Cármenes a first half inkhelah goal nga a lut a. Villarreal tan striker Gerard Moreno chuan minute 18-naah goal a khung a, minute nga hnuah penalty atangin goal a khung belh.
Tlarhma a a khelhpui Alexander Sørloth chuan minute 28-naah an goal thumna a khung leh bawk.
Granada in minute 29-naah Ricard Sánchez hmangin an chhanglet a, Myrto Uzuni chuan first half ah tho an goal hnihna a khung leh a ni.
Hnehna an chan avangin Yellow Submarines hi league-ah 12-naah an inhlangkai.
Coach Pacheta chuan, “Striker tha Sorloth leh Gerard kan nei a, anni pahnih hi an khelhthat a goal an khung chuan kan chak tlangpui. A dang siamthat ngai lai erawh kan la ngah hle.” tiin a sawi.