Tun nipuiah Philadelphia 76ers chhuahsan a duh avangin a chungchang in sawi a hlawh fova, hma hun chiang lova an awm reng hnuah inremna awm theiin Los Angeles Clippers in vawi 10 All-Star guard ni tawh James Harden chu trade lian tak siamin an lalut.
76ers hian he trade-ah hian Harden bakah P.J. Tucker leh Filip Petrusev te Clippers hnenah hian an kaltir a. Clippers in Marcus Morris, Robert Covington, Nic Batum, KJ Martin te bakah 2028 unprotected first-round pick, second-round pick pahnih, 2029 pick swap leh Oklahoma City Thunder atanga first round pick an dawn tur an pe tel.
Hei bakah hian kum 2024 leh 2029 a second round pick an pe tel dawn niin an sawi bawk.
Clippers hian All-Star forward pahnih Kawhi Leonard leh Paul George te kawppui tur star player an neih belh tihna a ni a. July thla atang khan indawr tawhin Thawhtanni zanah an inrem thei a ni.
Kum 34 mi Harden hian June khan 76ers atang trade a chhuah a dil tawh a, president of basketball operations Daryl Morey chu dawt sawi hmang tiin a sawisel.
Hetihlai hian Sixers in player contract zo mai tur an dawng ve thung a, hei vang hian nakkum nipui a free agency ah duhtawk a che thei turin salary cap-ah Dollar maktaduai 50 atanga 65 inkar vel an nei ang.