Rock band chanchina a hnarkaitute zinga mi The Rolling Stones-in mellung pawimawh phunin, 1960s atanga kum sawm dan zela Billboard 200 chat-a top 10-a lang pha album nei zat zat thei hmasa ber an ni ta.
An album thar ber, ‘Hackney Diamonds’ hi October 20, 2023 khan tihchhuah niin, chart-ah number 3 a hauh nghal pang mai.
The Rolling Stones-ah hian Mick Jagger, Keith Richards leh Ronnie Wood te awmin, 2021 khan Charlie Watts chuan khawvel a chhuahsan tawh.
A hmasa ber ni turin 1960s khan ’12×5′ hmangin Billboard 200-ah Top 10 lut thei turin an thawm a ri nghal hat a, hemi hnu hian chart hrang hrangah a bu lum lai luah thei zelin, tar kun angreng tak an ni tawh chung pawhin an thiamna leh theihna chuan rimawi khawvel a la sawinghing lawih lawih thei reng mai a ni.