Khawzawl District Election Officer K. Lalrohlua hovin Khawzawl District-a Election hotu ten nimin khan Khawzawl District MPF hruait- ute an kawm a. MLA inthlan chungchang sawipuiin ruahmanna hrang hrang an siampui.
Khawzawl District Election hotute leh MPF hruaitute chuan “inthlan ni a voter te vote thlak dan tur chu a veng (street) angin emaw YMA section angin emaw voter indawt danin emaw YMA ten ni 31.10. 2023 a an rel tawh angin ruahmanna lo siam se, YMA Information Centre atangin vote thlak dan tur puang thin se” an ti.
Inthlan ni ah voter facilitation centre MPF Local Forum kaihhruainain ruahman ni se, an ti a. Heta mamawh leh thil tul – Electoral Roll, paper etc. chu District MPF Secretary in Election Branch ah a hriattir ang a, Polling Party ten an kensak dawn a ni.
Inthlan ni a engemaw avanga vote thl- ak chungchanga har- satna nei an awm ch- uan MPF Local For- um ten polling party te motor an hmansak anga, a tul angin vote an thlak theihna turin hma an la ang.
Inthlan vote thlak theih hun tawp atanga chhiarleta darkar 48 chhung chu silent period niin, campaign lam thil eng pawh political party ten an ti tawh tur a ni lova. Tuichangbiala vote nei ni lo te he bial chhungah hian an awm tawh tur a nih loh avangin silent period intan hun ni 5.11.2023 tlai dar 4 ah chuan hmun danga awm te an inthiarfihlim theih nan MPF ten ni 3.11.2023 aia tlai lovah mipui te an hriattir ang, an ti.
Voters hmundanga awm te MPF in inthlanna a vote thlak duh Tuichang biala awm te list chu ni 3.11. 2023 chhun dar 12 ral hmain Election Officer, Khawzawl ah an thehlut ang a. Inrinni (Ni 4.11.2023) leh Tha- whtan (Ni 6.11.2023) ah phurh haw turin an ruahman. Motor chu Election Branch in Addl. Deputy Commissioner (Nodal Officer) hovin an lo ruahman anga, Motor hian Khaw- zawl thleng, Khawzawl at- ang main road Sialhawk thleng voter te a drop ang. Candidate ten voter te hruai tur a ni lova, MPF in ruahmanna an siam hi zawm vek turin an ngen bawk.
Inthlan ni ah Dep- uty Commissioner/ Returning Officer ai- awha Polling Station enkawltu chu Booth Level Officer (BLO) an ni a, Mizoram Pe- ople’s Forum (MPF) ten engkimah an be rawn thin ang, an ti bawk a ni.
Niminpiah khan Khawzawl DEO chu- an Khawzawl Sub Hqrs YMA te pawh kawmin, Tuichang bi- ala vote tla a that zawk theih nan a ruahmanna pakhat – ‘intlar ngai lo Polling Station’ (Queueless Polling Station) chu- ngchang an sawiho a, ruahmanna hrang hra- ng an siamho bawk.