Pakistan in Fakhar Zaman-a run 81 siam hmangin Bangladesh in run an bituksak chu awlsam takin an umpha a, wicket sarih a hnehna changin an khingpuite World Cup dinhmun an tichiang.
Thawhlehni zana ICC Men’s Cricket World Cup inkhelah hian Kolkata ah ram pahnihte an inkhel a. Hnehna an chan avangin Pakistan tan semi-final beiseina a la awm.
Chak turin run 205 siam an mamawh a, Fakhar leh run 68 siam Abdullah Shafique te inkawpin bul an tan tha a, 128 partnership an neih hnuah wicket tla chauhin Pakistan hian over 32.3-ah harsatna lian tawk lovin hnehna an chang.
Pakistan tan bowler Shaheen Afridi chuan One-day International a wicket 100 a lak tlinna inkhelah hian Mohammad Wasim nen wicket thum ve ve an la a, Bangladesh chu run 204 chiah siamtirin an hrek tha hle.
Bangladesh hi a zawna vawi ruk an tlawmna a ni a, semi-final tling pha tawh lo chiang hmasa ber an ni.
Pakistan captain Babar Azam chuan, “Batting, bowling leh fielding a kan khelhdan avangin player te zawng zawng ka lawmpui. Kan match hmabak pahnih ah chak ngei ngei kan tum a, tichuan kan dinhmun kan thlir leh chauh ang. Inrintawkna kan neih zel nan chak a pawimawh.” a ti.
- Thawhlehni inkhel result
Bangladesh vs Pakistan
Bangladesh 204(45.1 Overs)
Mahmudullah 56 (70)
Litton Das45 (64)
Shaheen Shah Afridi 3/23 (9)
Mohammad Wasim 3/31 (8.1)
Pakistan 205/3(32.3 Overs)
Fakhar Zaman 81 (74)
Abdullah Shafique 68 (69)
Najmul Hossain Shanto 0/5 (1)
Mehidy Hasan Miraz 3/60 (9)