Aizawl : MLA inthlan lo awm tura Champhai dist-a Sector officer leh Sector Police officer-te tan nimin khan DC Conference Hall, Champhai-ah training hnuhnungber buatsaih a ni.
Champhai DEO James Lalrinchhana’n District hmun hrang hranga Polling Station inspection a neihna ah te Sector Officer-ten an bial an vil uluk thu leh inpuahchahna tha tak an nei tih a hmuh thu sawiin, inthlan hlawhtling tak neih a nih theih nan theihtawp chhuah tlang chhunzawm turin a chah a. Sector Officer te chu a bik takin vote thlak ni ah rilru fim tak leh chiai miah lova hna an thawh a pawimawh takzet thu sawiin, a tul apiangah Election Office be pawp vat turin a chah bawk.
Training-ah hian Cha- mphai SDO (S) Lalrinaw- ma Khiangte, State Level Master Trainer chuan Se- ctor officer leh Sector Police officer-te mawhphur- hna hrang hrang leh an hr- iattur pawimawhte a zirtir a. Inthlan hma ni a tih ngei ngei ngai te, vote thlak ni a ken ngai te leh report pek dan tur te an zirho.
MLA inthlan atan hian Champhai district ah ruahmanna felfai tak siam a nih thu sorkar thuchhuahin a tarlang a. District pum chu Sector 12 ah then niin, Champhai North-ah Sector 4, Champhai South ah Sector 3 leh East Tuipui ah Sector 5 a awm a. Sector tinah Sector officer leh Sector Police officer 1 ve ve zel duty in, inthlan tluang leh felfai taka kalpui a nih theih nan ruahmanna – Sector Management Plan an siam a. An bial chhungah VCP, beat constable leh sorkar official awm te nen tangrualin an sector ah theuh hma lain, Polling station map leh voter tana facility te inkalpawhna ka- wng dinhmun, mobile leh internet connectivity din- hmunte leh Model code of conduct te an vil a. Polling Station panna kawng tha tawklo te chu PWD in repair hna thawk chho mek zelin, Champhai District huamchhungah mobile signal awm miahlohna hmun shadow area a awmlo niin sorkar thuchhuah chuan a tarlang.