Mizoram Synod chuan Manipur buaina avanga in leh lo chânte tan mutbu leh thawmhnaw a pe a, heng bungruate hi nimin khan Synod Office atangin Manipur pana chhuahpui a ni.
Synod hian Manipur buai avanga in leh lo chante awmna turin chenna in sak nan Rs. nuai 65 a lo pe tawh a, heng in sak tharte hi luah tan chhoh mek a ni a. In luahtute hi mutbu leh bungrua engmah nei lo an ni a. Mutbu leh thuamhnaw tur hi Aizawl khawpui chhunga Pastor Bial panga – Mission Veng Bial, Venghnuai Bial, Mission Vengthlang Bial, Kulikawn Bial leh Tlangnuam Bialte hnena lo la khawm tura ngen an ni a. Heng thuamhnaw leh mutbu lak khawmte hi Ningani zing dar 1:45 khan Synod Office atangin motor lian paliten an phur chhuak a. Motor lian kal chhuak turte hi Rev. Z. John Colney, Secretary, Synod Partnership chuan tawngtaiin a thlah.
Manipur-a chhungkaw 250 te tan bungbel chi hrang hrangte Synod hian ngaihtuahsakin, heng bungbelte hi Ningani zan hian Silchar atanga Manipur panin phurh chhuah a ni bawk.