French defender Mamadou Sakho chu manager Michel der Zakarian nen training a an intihthiam hnua an intihbuai zui avangin a club Montpellier nen an thawhdunna an titawp.
France a chanchinbute chuan Sakho hi training a an inkhelhnaah manager in a laka an foul a ham loh avangin a lungawi lova, training chu chhuahsanin a hnuah Der Zakarian hian a laka thu a sawi avangin a thinrim a, intibuai zuiin chhuatah a nawr tlu niin an sawi.
Club chuan an thawhdunna an tihtawp thu hi an sawi a, kum 33 mi Sakho pawhin sawi chiangin training a thil thlengah mawh a phur lo niin a insawi bawk.
France tana vawi 29 inkhel tawh Sakho hi Paris Saint-Germain leh Liverpool tana a khelhlai pawhin buaina lo nei fo tawh thin a ni.