ZPM Thalai chuan zirlaite hnenah Mizoram sorkarin scholarship pek chhuah thuai an phut.
Nimina thuchhuah an siamah ZPM Thalai chuan, September 25, 2023-a sorkar laipuiin Mizorama zirlaite scholarship tur Rs nuai 1,875 a pek tawh, vawiin thlenga zirlaite kut a la thleng lo chu pawi an tih thu an tar lang a, zirlaite sum hupbeh a ni hi zirna ngaihthahna lian takah an ngaih thu an tar lang.
Zirlaiten a hun takah scholarship an lak theihna tur hian hma an lo lak tawh thin thu sawiin ZPM Thalai chuan, “Thuneitute pawh kan lo hmu tawh thin a, zirlaite tana ZPM Thalai chet chhuahnain vawiin thlenga awmzia a la nei lo leh, zirlaite hial an au chhuah a ngai ta hi pawi kan ti a, zirlaiten an chanpual an chan theihna tura zirlaite hmalakna kan thlawp tlat a ni,” tiin, zirlaite chanpual scholarship chu a rang thei ang bera zirlaite account-a thun turin thuneitute an phut thu an tar lang bawk.