Ayurveda Day lawmnaah nimin khan Prime Minister Narendra Modi chuan ayurveda zirna pahnih, Institute of Teaching & Research in Ayurveda (ITRA), Jamnager leh National Institute of Ayurveda (NIA), Jaipur te video conference hmangin a hawng.
“Tunlai khawvelah engkim tihchangtlun a ni tawh a. Hei vang hian damdawi lamah pawh Ayurveda hian hmun pawimawh tak a chang phak a. Allopathic leh Ayurveda-te hi a rualin an kal zel dawn a. Hmasang atanga a vawi khat nan India thiamna chuan kum zabi 21-na a chuang kai mek a ni,” tiin prime minister hian a sawi.
“Tunah chuan ram chhunga Ayurvedic zirna lianah in tel tawh a, in mawhphurhna pawh a tam ta. Khawvel huapzo zirna ruangam nei turin inbuatsaih ang che u,” tiin heng zirna in pahnih mi leh sate chu PM Modi hian a chah bawk.