Tun dinhmuna Bollywood star lar ber zinga mi Deepika Padukone chuan film industry a luh tirh khan induhsakna uchuak tak a awm ngei a, tunah pawh awm rengin, a la awm zui zel ang, a ti.
Film family lam thila background nei lo leh mi thar a nih vangin a hun hmasa lamah khan pawnlam mi a nihna laia inen hranna leh ingaihsak lohna bakah inenhranna thlenga a tawn dan te leh film family atanga chhuakte’n duhsakna an dawn thin dan te thlengin Vogue magazine chhuak thar berah a sawichhuak.
Deepika chuan, “Kum 15 emaw 20 liam taa pawnlam mi i nih chuan option dang a awm chuang lo. A cho zawng zawnga kal kha a ni mai a, nu leh pa, chhungte zinga film lama mi hriat neih loh chuan awlsamna sawi tur reng reng a awm lo. Induhsakna uchuak ang te hi thil thar emaw kan ti a, a ni reng reng lo. Khatih lai pawh khan a awm reng tawh a, tunah pawh a awm reng a, a la awm reng bawk ang. Hei hi thudik leh thil awmdan dik tak a ni,” a ti.