Aizawl: Mizoram University-a Social Work department leh Foundation For Drug-Free Mizoram te nimina inkawmin, ruihhlo laka tleirawlte venna kawnga thawhdun dan tur an sawi ho.
Mizoram University hnuaia Social Work Department Head of Department Dr. Henry Zodinliana Pachuau ho a, MZU-a Department of Social Work block-a an inkawmhonaah tun lai tleirawl te zinga ruihhlo ti thar an tam ta leh an tihchhan te chu zirbing tul an tih thu leh, ruihhlo laka tleirawlte ven hna thawh chu chhungkua, kohhran leh khawtlangin vei thar a tul zia te an sawi ho a. Tleirawlte nun zirchianna research neih nise tiin kalkhawmten an rel a ni.
Foundation For Drug-Free Mizoram chuan kumin chhunga ruihhlo vanga thi mi 70 an chuang ta chu pawi an tih thu an sawi a. Ruihhlo laka tleirawlte ven kawngah kumthar lamah huang zauh zel an tum thu an sawi bawk.