Mizoram University-a Department of Environmental Science chuan Ningani khan MZU campus chhungah Mizoram leilung hausaknain nghawng a neih dan zirhona leh sawihona seminar an buatsaih.
Seminar on Biodiversity richness & Climate Change Impact on Biodiversity in Mizoram hawnna inkhawm hi Organising Chairman, Prof Lalnuntluanga’n a kaihruai a, khuallian MZU Registrar Prof.Lalnundanga chuan Eevironment pawimawhna te, hnam changkang apiangin environment an ngaih pawimawhziate a sawi a, World Bank-in Mizoram a hna an thawh laia Environment Impact Assessment an ngaih pawimawhzia te, tun hnaia Mizorama hnathawh mek awm avanga ramngaw, lui te leh nungchaten an tawrh chhan chu a thawk mekte hian environment an ngaih pawimawh tawk loh vang a nih thu te a sawi a ni.
Seminar-ah hian resource person paruk awmin zirtirna an pe a, zirlaite bakah Environmental NGO te leh school hrang hrang atang mi 120 an tel.