An ram buaina avangin dinhmun chhe zawkah Myanmar an tla lut mek a, European Union chuan hneh chhuha rorelna fawng chelhtu sipai hruaitute leh sipai thuhnuaia awm company a hrek belh.
Council of the European Union hian Myanmar sipai rorelna a duh lo tih a lantir tawh a, mi mal 10 leh sipai thunun company pahnih a hrek thar leh a. Hengte hi US, Britain leh sorkar dangte pawhin a hma atangin an hrek a ni.
February 1 khan sipaiten mipui rorelna an hneh chhuh a, heta tang hian ram pum huapin mipui inthurualin dodalna an lantir. Coronavirus lengin a nuai tel bawk avangin Myanmar dinhmun a chhe sawt hle a, ei leh bar, sum lamah harsatna a nasa tial tial.
EU-in a hrek thar lehna hian sipai ngeng chhun turin nghawng a nei ang em tih erawh a hriat loh. Anni hian an hrek belh leh rualin mi mal 35 an bitum tawh a, heng mite hi mipui rorelna leh dan hnualsuattuah ngaiin mihring dikna chanvo pawisa miah lovah a ngai bawk.