Aizawl : Dan kalha ruihhlo leh thil dang tawlh tihtawp a nih theihna tura hmalak dan tur ngaihtuahin nimin kan Khawzawlah Khawzawl Bawrh- sap K. Lalrohlua hovin a kaihhnawih mipawimawh te an thukhawm.
He thutkhawmah hian Khawzawl SP Lalchhuanthanga bakah Khawzawl Maxi Cab Owners Association leh Maxi-Cab Co- unter neitu aiawh te pawh an tel a. Dan kalha ruihhlo leh thil dang tawlh tihtawp a nih theihna tura hmalaknaah Maxi-Cab counter-a CCTV vuah chungchang leh thil thawn dan chung- chang te an sawiho.
Bawrhsap chuan IGP (Intel) Mizoram thu chh- uak bawhzuia thutkhawm chu koh a nih thu a sawi a. He thuchhuakah hian Mizoram Maxi Cab leh counter atanga bungraw thawn leh phurhah dan kalha ruihhlo tawlhruk a awm fo nia tarlan a nih thu a tel tih sawiin, hemi tireh tura ruahmanna hrang hrang awm te a sawi.
Maxi-Cab neitute chu tun thla ni 27 atangin thil thawntu leh dawngtu tur te nihna leh thawnna motor neitu leh khalhtute nihna kimchang chhinchhiahna tur duan saa chhinchhiah turin an ti a. Maxi-Cab-ah counter kaltlanga thil tha- wn vek tawh turin an ti.
Khawzawl Tuisenphaiah thil thawn te a khat tawkin Police ten counter-a chhinchhiah nen a inmil em tih an enfiah thin ang.