Los Angeles Lakers in Philadelphia-ah point 44 laia chiang taka an tlawm chu kalsan nghalin hnehna an chang ve leh a, Detroit Pistons lakah 133-107 in an chak.
Detroit a Little Caesars Arena a inkhelah hian Lakers tan D’Angelo Russell chuan tun season a point a score hnem ber tum hmangin 35 a thawh a, Anthony Davis chuan 28 score in LeBron James chuan 25 a thawh.
Lakers team a an khaipa James chuan, “Kan thawhleh dan a tha hle. A hma aiin nasa takin kan kheltha zawk. D’Lo leh AD ten bul min tan thatpui em a, khami hnuah kha chuan kan kaltluang a, inrintawkna lian tak nei chungin kan khel thei a ni.” tiin a sawi.
Detroit tan Cade Cunningham chuan point 15 a score a, reserve Isaiah Livers chuan 14 score in Isaiah Stewart leh rookie Ausar Thompson ten point 12 ve ve an score a. Tunhnaia an inkhel hnuhnung vawi 15 atangin an la tlawm vek a ni.