Rimawi khawvela $Billion 1 chuang hlawhchhuak thei Tour hmasa ber ni turin Taylor Swift ‘Eras Tour’ a dingchhuak ta a, thla riat bak a mamawh lo.
Pollstar tarlan danin, Swift hian tour hlawhtling ber leh ropui ber a siam ta a, show vawi 60 nei a, thla riat hun a hman hnu-ah $Billion 1 a hlawhchhuak ta a ni.
Hemi hma hian Sir Elton John, ‘Farewell Yellow Brick Rod’ tour chu rimawi khawvela tour hlawhtling ber ni hmanin, $Maktaduai 939 a hlawhchhuak a, hemi tur hian show 328 neiin, kum nga (September 8, 2018 – July 8, 2023) hun a hmang.
Tunah earwh Swift-i’n a record siam hi hneh takin a rawn thiat chiang viau mai a, show neihzat a tlem hle zawk a, hun hman chhung phei chu kum khat pawh a tling lo nghe nghe.