Aizawl : Prime Minister Narendra Modi-a’n video conferencing kaltlanga nimina ‘Viksit Bha- rat @2047: Voice of You- th’ a tlangzarh chu Mizoram atang pawhin Larsap Dr Hari Babu Kambhampati hovin zirna in hrang hrang hotu ten Raj Bhavan-a video conferencing room atangin an lo chhim.
Virtual launch program zawhah Larsap chuan MZU, ICFAI leh NIT-a Vice Chancellor leh Registrar te chu hmalak dan tur a sawipui nghal a. Prime Minister-in kum 2047 tawp lama India ram developed country-a hlankai a nih theihna atana a hmalakna leh chona a chhawp chhuah chu ropui a tih thu a sawi a. Developed country nih theina tura khua leh tui te chu developed citizen nih hmasak a pawimawh thu Prime Minister-in a sawi a tuihnih bawk.
Larsap chuan “developed country ni turin kan ramah hnathawktu zinga tam ber leh thahrui ngah zawk thalaite an pawimawh ber” a ti a. Thalaite chu Viksit Bharat @2047 hmalakna atana penchhuak turin a sawm.
Vice Chancellor leh Registrar-te chu anmahni university hnuaia affiliated college leh educatio- nal institute zawng zawngte nen workshop nei tura chahin, a remchang anga review meeting a la neihpui tur thu Larsap chuan a sawi bawk.