Aizawl: Synod Hospital-a Dialysis room thar chu nimin khan Rev. HC. Khaicho, Hospital Chaplain-in pathian hnenah a hlan.
Room thar hlan hi Dr. Lalthakima, Director-in kaihruaiin, Upa Lalrinmuana, Coordinator chuan technical report a pe a. Dr. Joseph Lalhmachhuana, Nephrologist (Super Specialist)-in lawmthu sawina leh Dialysis Unit Report a pe a ni.
Dialysis room siam thar hna hi August 16, 2023 khan tan a ni a, room thar siam nan leh Dialysis khawl thar lei nan a vaiin, Rs. 29,34,780 sen a ni.
Synod Hospital Dialysis Unit hi tihchangtlung zel niin, tunah hian Dialysis khawl pasari neih a ni tawh a ni.
Synod Hospital-ah hian kum 2023 chhungin Dialysis vawi 2,331 tih tawh a ni a. Tunah hian Nephrology Ward siam turin hmalak chhoh mek a ni bawk.
Dialysis Unit-ah hian thawktu pakua – Super specialist, Medical Officer leh IV Grade pakhat theuh an awm a. Staff Nurse pali bakah Dialysis Technician pahnih an awm mek bawk.