NH54 kawngpui laih mek chungchang ah nimin khan Serchhip Bawrhsap, Competent Authority for Land Acquisition (CALA) ni ba- wk David Lalthantluanga hovin Serchhip district thuneitute, NH- IDCL aiawh leh Khumtung, Baktawng, Chhiahtlang, Chhingchhip, Serchhip, Keitum leh Bungtlang VC te an thukhawm.
Serchhip Bawrh- sap chuan NH54 kaw- ngpui laih mek chu kumin March thlaa zawhfel tum a nih thu a sawi a. Hun rei tak chhung mipui ten vai- vut khu tuarin, nunphung pawh a khaihlak phah nia sawiin, khawtlang tana hmasawnna tur kawngpui pawimawh tak laih mek chu zo tep tawh in, a hmawr bawk a hnai ta chu lawmawm a tih thu a sawi.
Zangnadawmna sum la kim tawh si, In la thiat duh lo tlem te an la awm nia sawiin, Serchhip Bawrhsap chuan heng mite lakah hian District thuneitu ten khawng takin hma an la dawn, tih a sawi a. Kar hnih khat hnuah an la thiat lo a nih chuan nawr chhiatsak an nih tur thu leh dan tlawhchhana thubuai siamsak an nih tur thu a sawi.
In thiat lo zingah Court a kal, Court in stay order a pek an awm a nih erawh chuan an in te thiahsak an ni rih dawn lo tih Bawrhsap chuan a sawi a. Stay order an neih loh erawh chuan thutling a nih loh avangin thiahsak ngei tur an nih thu a sawi.
Zangnadawmna la lo te, assessment tih laia hmaih palh te, building chhawng ass- ess kim loh te an awm chuan thuneitute nen a hmunah ngei tlawhin enfiah an ni dawn tih pawh sawiin, zangna- dawmna an lak ngei theih na tura hma laksak an nih tur thu Bawrhsap chuan a sawi bawk.
Kum 2023 July leh August thla khan za- ngnadawmna dawng tawh, in la thiat lo te chu Magistrate ten an kalchilhin an in te thiat tura thupek an pe tawh a. Nikum November thla khan in thenkhat chu Executive Magistrate kaihhruaiin thiahsak an lo ni tawh.
Bawrhsap hova thukhawm hian In thiah theih loh chhan leh harsatna awm te an sawiho a. Lungawilohna ziaka thehlut te chungchang pawh ngaihtuahin, lungawilohna ziaka thehluttu te pawh he thutkhawmah hian koh an ni a. Dan anga in thiahsak leh thubuai awrh tir kher ngai lova Serchhip district chhunga khaw hrang hranga in thiat duh lo la awm te chu thiat vek turin VC te kaltlanga hriattir nawn leh an ni.