Aizawl : Khawzawl Bawrhsap K. Lalrohlua’n Khawzawl district chhungah sawrkar leh mipuite inkara inbiakpawhna tha zawk a awm theihna turin ruahmanna a siam a. Sawrkar atanga hriat tur pawimawh leh mipui (citizen) atanga sawrkarin a hriat tur te rang taka inhriatpawh thin a pawimawh thu a sawi.
Sawrkar leh khua leh tui te inkarah inpawhna tha tak a awm a tul tuh Khawzawl Bawrhsap chuan sawiin, Khaw- zawl District-a Village Council zawng zawng te, mipui te leh Baw- rhsap Office inkarah inpawhna tha zawk a awm theih nan Email leh WhatsApp hmanga Bawrhsap Office-a lehkha thehlut duh te tan pdf copy a thehluh theih turin ruahmanna a siam.
Khawzawl Bawrhsap Office atanga khaw hrang hranga lehkha thawnchhuah tur te pawh khawtina Village Council President emaw Secretary emaw te hnenah whatsapp hmanga advance copy thawn thin a nih tur thu Khawzawl Bawrhsap chuan a sawi bawk.