Higher & Technical Education (H&TE) Minister Dr. Vanlalthlana’n nimin khan Lengpui rama National Institute of Technology (NIT) Campus tlawhin, hmalakna leh hmachhawpte a enfiah.
H&TE Minister chuan NIT dangte ang bawkin changtlung taka NIT Mizoram kalpui chu sawrkar leh mipuite duhdan a nih thu sawiin, ram tana rohlu tak ni tura ngaih NIT Campus Lengpui buatsaih kawnga tun thlenga hmalak tawh chin chu lungawithlak loh a tih thu leh sum sen ral tawh leh hmalakna inmillo chu veiawm a tih thu a sawi a. NIT chu Mizoram mai ni lo, India ram tana zirna in pawimawh leh thalaite tana thiamthil zirna kawnga hmun pawimawh tak a nih avangin tihhmasawn kawngah theihtawp chhuaha tanlak tlan tul a tih thu leh zau zawka inrawn- khawm hnua a tul angte sawrkar laipui hnena thlen thuai a tum thu a sawi bawk.
NIT Mizoram aia- whin Registrar Prof. Ajmal Koya leh tha- wktu dang ten H&TE Minister hi lo dawngsawngin, hmalak tawh chin te an lo hrilh a. Contractor IRCON kaltlangin a hungna siam, PCC flooring, Internal Road, Electric pawh luhna leh a hmun siamrem (leveling) thawh a nih thu te an lo hrilh.
Hmalaknate enfiah- na atanga a landanin sum sen ral tawh ata- nga thlen chin te beitham hle nia hriat a nih thu sorkar thuchhuah chuan a tarlang a. NIT hotute chu Ca- mpus chhunga hmala- kna leh hmanrua reng reng neitu thinlung pu chunga enkawl tura chah an ni.