Bundesliga hmahruaitu Bayer Leverkusen in tum hnih lai si phur zawka an tan hnuah chhanglet zel theiin huntawp dawnah chakna goal an khung zui a, 3-2 in RB Leipzig lakah hnehna an chang.
Kar hmasa a huntawp dawnah goal an khung hmanga Augsburg an hneh hnuah Xabi Alonso pawlte hian huntawp dawn goal bawk an chakpui leh a. Piero Hincapie chuan minute 91-naah an chakna goal a khung.
Inrinni zana Red Bull Arena a inkhelah Leipzig in Xavi Simons hmangin minute 7-naah goal an khung a, hei hi halftime zawh hnu lawkah Nathan Tella chuan a sut.
Lois Openda in Leipzig tan goal khung lehin minute 63-naah Bayer Leverkusen defender Jonathan Tah chuan a sut ve leh a ni.
Season tha hmang mek Bayer Leverkusen hian league match vawi 10 khel tawhin tlawm an la nei lo.